धुंद बरसात...

हातात हात
तुझी साथ
आपण दोघं
आणि धुंद बरसात

छत्री एकच
त्यात आपण दोघे
जवळ उभे
तरी दोघेहीे ओले

अचानक वीज
कडाडते
दुसर्याक्षणी तु
आणखी जवळ येते

मिठीत तुला
सामावून घेतो
न जाणे तुला
कशा पासून वाचवतो

वाटतं
मिठी कधीच सुटु नये
जोरदार पाउस
कधीच थांबु नये

तेव्हड्यात तू
भानावर येतेस
थोडं मागे जाउन
पुन्हा जवळ येतेस

तुझ्या डोळ्यात
निघण्याचा हट्ट
माझा मात्र...
तुलाच न्याहारण्याचा हट्ट

भिजलेली तू
आणखीन सुंदर दिसतेस
नुकत्याच उमल्लेल्या
फुलाप्रमाणे दिसतेस

तुझ्या गालावरच्या
थेंबाचा, हेवा वाटला
स्वतः ही थेंब होण्याचा
हास्यास्पद विचार आला

नकळतपणे माझा हात
तुझ्या खांद्यावर
अन् तुझं डोकं अलगदपणे
माझ्या खांद्यावर

चालत आहोत
दोघच पावसात
भीजत आहोत मात्र
एकमेकांच्या प्रेमात...
भीजत आहोत मात्र
एकमेकांच्या प्रेमात...