मुके शब्द सारे ...

मुके शब्द सारे
बोलून गेले,
भाव मनी ह्या
सांगून गेले.

अधीर मन हे
जाणवून गेले,
आस भेटण्याची
लावून गेले.

मन स्पर्श वेडे
होऊन गेले,
मिठीत ये अशी
खुणवून गेले.

न सोडणे आता
ठरवून गेले,
अंतराचे अंतर
मिटवून गेले.

भाव ओठी ह्या
येउन गेले,
तू ऐकले ते
भासवून गेले.

ठाऊक आहे तुला
मज पटवून गेले,
भास हे सत्यात
उतरून गेले.

क्षण हे सारे
मोहरून गेले,
प्रेमात चिंब
भिजवून गेले.

तुझ्या प्रेमात चिंब
भिजवून गेले ...!!!

                       ---- Kavi Rahul