ये दाटुनी मेघांसारखे
अन् बरस पुन्हा कधीतरी
कर ओले-चिंब माझे मन
पण तू बरस पुन्हा कधीतरी...
तहानलेल्या मनाची
तू तहान भागव कधीतरी
झेलीन तुला सरींसारखे
पण तू बरस पुन्हा कधीतरी...
वादळागत बेभान
तू होशील का कधीतरी?
उदध्वस्त होइन तुझ्यातच
पण तू बरस पुन्हा कधीतरी...
प्रेमात चिंब भिजवूनी
तू जाशील निघून कधीतरी
श्वास रोखून उभा मी
कि तू बरसशील पुन्हा कधीतरी...
ये दाटुनी मेघांसारखे
अन् बरस पुन्हा कधीतरी...
